Ініцыятар рэфэрэндуму па пытаньню адстаўкі Ганны Гранкевіч-Вальц з пасады прэзыдэнта Варшавы кажа, што ён ня ведае, колькі да гэтай пары каштавала кампанія. Пётр Гузял тлумачыць, што гэта ня ён займаецца тэхнічнымі, арганізацыйнымі й фінансавымі справамі.

Варшаўская супольнасць самакіраваньня на працягу некалькіх тыдняў арганізоўвае сустрэчы, дэбаты, канфэрэнцыі, падрыхтаваныя й спэцыяльныя рэклямныя ролікі ды мабільныя рэклямы. Пётр Гузял запэўніў, што кошты гэтых дзеяньняў будуць падведзены пасьля галасаваньня, паколькі цяпер гэта цяжка зрабіць.

Ініцыятар рэфэрэндуму і мэр варшаўскага раёну Ўрсынаў дадаў, што ён займаецца прасоўваньнем ідэі рэфэрэндуму, а не арганізацыйнымі пытаньнямі.

У сваю чаргу, ужо вядома, што арганізацыя й падрыхтоўка рэфэрэндуму горадам будзе каштаваць каля двух з паловай мільёнаў злотых.

Нагадаем, арганізатары рэфэрэндуму хочуць зьняць прэзыдэнта Варшавы з пасады, між іншым, у сувязі з абвінавачваньнямі ў негаспадарнасьці. //Польскае радыё для замежжа