- Бяручы пад увагу неабходнасьць захаваньня адзінства дэмакратычных сілаў Беларусі,

- Грунтуючыся на дасягненьнях грамадзкай ініцыятывы “Народны рэфэрэндум”,

- Кіруючыся неабходнасьцю прадухіленьня магчымых крамлёўскіх сцэнароў у часе выбарчай кампаніі 2015 году, якія могуць несьці пагрозу незалежнасьці нашай краіны,

Палітычная камісія Партыі БНФ прыняла рашэньне:

падтрымаць у якасьці супольнага кандыдата на пасаду Прэзідэнта Рэспублікі Беларусь ад ініцыятывы “Народны Рэфэрэндум” спадарыню Тацьцяну КАРАТКЕВІЧ.

У выкананьне рашэньняў сакавіцкага Сойму Партыі БНФ, падтрымка кандыдата ад “Народнага рэфэрэндуму” з боку Беларускага Народнага Фронту будзе абумоўленая прынцыпамі абароны незалежнасьці ды нэўтральнасьці Беларусі.

Падтрыманы Партыяй БНФ кандыдат мусіць выступаць за вяртаньне ў якасьці дзяржаўных сымбаляў Беларусі бела-чырвона-белага сьцягу і гербу “Пагоня”.

У часе палітычнай кампаніі і правядзеньня перадвыбарчай агітацыі Партыя БНФ будзе канцэнтравацца на пытаньнях абароны незалежнасьці і рэалізацыі праграмных палажэньняў Беларускага Народнага Фронту.

Гэтае рашэньне пашыранага пасяджэньня палітычнай камісіі Партыі БНФ падлягае зацьвярджэньню на красавіцкім Сойме Партыі БНФ, які прызначаны на 25 красавіка.

// Партыя БНФ

#рэферэндум